Mei Liadabuach - Auf da B18 zruck

Das ist die Seite von Gustav Freudmann / Mei Liadabuach

Auf da B18

(Highway 61 Revisited/Bob Dylan)

Da Heagod sogd in Abraham, "Schlochd ma dein Buam!"
Und da Abraham zum Heagod, "Haums das Hian vaduam?".
Da Heagod sogd "Nau?" und da Abraham, "Ha?"
Sogd da Heagod, "Duasd hoid wiasdas wüsd, oba
nächsdas Moi waunnsd mi wieda siechsd, no daunn guade Nochd!"
Drauf da Abraham, "Wo häsdtn gean es Schlochdn gmochd?"
Hod da Heagod gsogd, "Drundt auf da Be-Ans-Ochd".

Da Blundsnfedtfeal hod aus da Nosn bliadt
und ea hod am Sodsialaumd ka Gwaund ned griagd.
Hoda gfrogd in Beddlafraunds, "Heasd, wo ge_r_i jeds hi?"
Hod da Fraunds gsogd, "I kenn nua_r_a Bladsl fia di".
Frogd da Blundsnfedtfeal: "Und wo häsd da des jeds dochd?"
Hod da Beddlafraunds mid da Buffn gfuchdld und glochd:
"Feal, gemma, seu di o, Richdung Be-Ans-Ochd".

Da gschwinde Schual, dea hod gsogd zum Baron:
"I hob viaraviadsg rod-weiß-rode Schniariem in Kardon.
Und so dausnd Hendis, de wos mochn kan Don.
Wo wia_r_i des Glumpad los? Des liegd ma bis zum Blafon."
Sogd da Baron, "Laungsaum, Buali und imma schee mid Bedochd!
Nau, is eh gaunds afoch, woadtsd hoid bis heid aufd Nochd
und bringsd des Graffeweag owe zua Be-Ans-Ochd".

Jeds sogd de fimfde Dochda in da zwöfdn Nochd,
zum easchdn Vodan: "Heasd, wos hobdsn es do gmochd?
Mei Haud is vü zu weiß, i glaub i hob an Vadochd."
Und da Voda, "Loss mi schaun. Na seawas, des hods brochd.
Glei sog i da zweidtn Muada, doss jeds uandlich grochd."
Doch de zweidte Muadta hod sin siemdn Sohn eikochd
und längsd woans beide oboschd auf de Be-Ans-Ochd.

Und jeds in Diblarudl, den woa ois so zach.
Ea woidtad auzichdn an neichn Wödgriag gach.
Ea hod gfundn an Bromodta, dea is fosd grennd gengan Bam
und hod gsogd "In dera Brausch bin i ned grod daham.
Owa_r_i glaub, des warad eigendli gaunds afoch gmochd.
Mia suagn fia gnua scheene Sidsbläds iwad Nochd
und fian eam auf, dein Griag, do drundt auf da Be-Ans-Ochd.